Deputy Headteacher

CEFNDIR CRYNO

· Mae Penweddig yn ysgol ddwyieithog benodedig sy’n rhoi pwyslais ar yr iaith Gymraeg a chynnal ethos Gymreig. Mae sefydlu hunaniaeth ddwyeithog gref yn darparu’r sail i ddatblygu ymagwedd agored ac eangfrydig.

· Mae 578 disgybl yn yr ysgol

· Mae Ysgol Penweddig yn rhannu dalgylch o 21 ysgol gynradd gydag Ysgol Penglais, sef yr ysgol cyfrwng Saesneg sy’n gwasanaethu dalgylch Aberystwyth

· Mae ychydig dros hanner o ddisgyblion yr ysgol yn dod o gartrefi lle siaredir dim neu ond ychydig o Gymraeg

· Mae proffil ieithyddol y corff rhieni yn adlewyrchu proffil ieithyddol y plant

· Mae’r canran o giniawau rhad yn isel (tua 2%)

· Polisi Iaith a chwricwlwm yr ysgol:

· Addysgir ac asesir Saesneg yn Saesneg

· Dewisa’r disgyblion os ydynt am astudion a sefyll arholiadau Mathemateg a Gwyddoniaeth drwy gyfrwng y Gymraeg neu’r Saesneg

· Addysgir ac asesir pob pwnc arall trwy gyfrwng y Gymraeg

· Dychwela canran uchel o tua 60 – 65% o ddisgyblion i’r chweched dosbarth

· Yn dilyn arholiadau safon uwch aiff cyfran uchel i ddilyn cyrsiau Addysg Uwch. Mae nifer sylweddol yn aros yng Nghymru. Aiff llawer ymlaen i brifysgolion Lloegr, a rhai i’r Alban a’r Iwerddon. Enillodd llif cyson o ddisgyblion leoedd yn Rhydychen a Chaergrawnt gan gynnwys mathemategwyr a gwyddonwyr a astudiodd y pynciau hyn trwy gyfrwng y Gymraeg yn yr ysgol.

· Mae gan yr ysgol draddodiad o lwyddiant academaidd ardderchog

· Ymrwyma’r ysgol i ddarparu addysg gyflawn ar gyfer ei disgyblion. Gwêl yr ysgol rôl gyflenwol gref rhwng astudiaethau academaidd a rhaglen gyfoethog o weithgareddau allgyrsiol. Maedda’r ysgol ar draddodiad balch a nodedig mewn sawl maes gan gynnwys cerddoriaeth, llenyddiaeth, chwaraeon, y meysydd creadigol, gwaith gwirfoddol a dyngarol.

· Cyniga’r ysgol bedair iaith ychwanegol at y Gymraeg a’r Saesneg: Ffrangeg, Almaeneg, Siapanaeg a Sbaeneg. Mae’r ysgol yn bartner blaenllaw mewn rhaglen ddeuffordd gyda thref Kaya-cho yn Siapan.